Ciyaaraha Wararkii ugu dambeeyey Ciyaaraha
Related Articles
Erik ten Hag ayaa ku taageeray Casemiro inuu “soo laabto” ka dib markii la bedelay ciyaaryahanka khadka dhexe ka dib qaladaadkii qeybtii hore ee Manchester United guuldaradii 3-0 ee Liverpool ee Old Trafford Axadii.
32-sano jirkaan ayaa labo jeer laga dhaliyay kubad heysashada xaalad toos ah oo keentay in goolal la iska dhaliyo, waxaana labadaas gool u dhaliyay Luis Diaz oo ciyaarta ka dhigay 2-0 ay ku hogaamineyso kooxda martida aheyd ee qeybtii hore.
Ciyaaryahanka heerka caalami ee dalka Brazil, oo shan jeer ku guuleystay Champions League Real Madrid, ayaa bilowgii qeybtii labaad lagu bedelay Toby Collyer oo 20 jir ah, kaasoo soo galay kulankiisii ugu horeysay ee Premier League.
Isagoo la hadlayay Sky Sports ciyaarta ka dib, Ten Hag ayaa sheegay in bedelka uu ahaa isbedel taatiko ah iyadoo United ay tahay inay ceyrsato ciyaarta.
“Markii aan 2-0 ku garaacnay Liverpool tayadooda waxaan ku qasbanahay inaan qaadno halista maadaama aan dib u soo laabanay,” ayuu yiri. “Waxaan u baahanahay ciyaaryahan dabooli kara.”
Saxiixa cusub ee khadka dhexe ee Man United Manuel Ugarte ayaa lagu soo bandhigay garoonka ka hor ciyaarta laakiin waa la diwaan galin kari waayay waqtigii loogu talagalay inuu ciyaaro kulankiisii ugu horeeyay ee Liverpool.
Markii la waydiiyay in Casemiro uu wali door muhiim ah u leeyahay kooxda si uu horay ugu sii socdo, Ten Hag ayaa ku jawaabay: “Waxa uu marar badan muujiyay in uu yahay shaqsi weyn.
“Dhamaanteen waxaan ka aragnay waqtiyo waa weyn isaga, isagoo noo go’aaminaya khadka dhexe, wuuna soo bandhigi doonaa mar kale, waan hubaa. Dib ayuu u soo kaban doonaa.”
Ciyaaryahanka reer Holland ayaa markii dambe diiday soo jeedinta Casemiro uu ka tagay garoonka ka dib markii laga saaray qeybta nasashada.
“Waxaan kula kulmay ciyaarta ka dib qolka labiska si uusan u bixin waqtigii nasashada,” ayuu yiri Ten Hag.
Guuldarada soo gaartay United ayaa ka dhigan in ay ku jirto kaalinta 14-aad ee kala sareynta horyaalka iyagoo leh seddex dhibcood seddexdii kulan ee furitaanka.
Kulankooda ugu horeeya kadib fasaxa caalamiga ah waxa ay la ciyaari doonaan kooxda dhawaan soo dalacday ee Southampton kuwaas oo wali sugaya dhibcihii ugu horeeyay ee horyaalka premier League xilli ciyaareedkan.
